9 мамыр - Жеңіс күні. Ұлы Отан соғысы аяқталғаннан бері көптеген жылдар өтті. Қазіргі ұрпаққа соғыс жылдары қандай болғанын елестету өте қиын. Өйткені, біздің бақытымызға орай, бейбітшілікте туып, соғыстың қасіретін тартпадық. Біз, Ұлы Отан соғысына қатысқандардың ерліктері туралы еш уақытта ұмытпаймыз. Бұл мереке - тек ардагерлер мен соғыс ардагерлерінің балалары үшін ғана емес, еліміздегі барлық адамзаттың мерекесі. Бұл күні біздің жүрегімізде бақыт, қуаныш сезімдері, ең бастысы - мақтаныш сезімдері бар. Біз батырлардың ұрпағымыз. Ер есімі-ел есінде болары сөзсіз. Ешкім де ешқашанда ұмытылмайды. Осындай бейбіт күніміз үшін соғыс ардагерлеріне мың тағзым. Сондықтан оқушыларға патриоттық сезімдерін шыңдауға, Отанды сүюге, соғыс ардагерлерін құрметтеу мақсатында 7 “Г” сынып жетекшісі А. Төлепбергенова “Бейбіт күн жасасын әлемде!” атты тәрбие сағатын өтті.
